Scots Wha Hae

From Wikisource
(Redirected from Scots Wha' Hae)
Jump to: navigation, search
Scots Wha Hae
by Robert Burns

Scots, wha hae wi' Wallace bled,
Scots, wham Bruce has aften led,
Welcome to your gory bed,
Or to victorie.

Now's the day, and now's the hour;
See the front of battle lour;
See approach proud Edward's power -
Chains and slaverie!

Wha will be a traitor's knave?
Wha can fill a coward's grave?
Wha's sae base as be a slave?
Let him turn and flee!

Wha for Scotland's King and Law,
Freedom's sword will strongly draw,
Free-man stand, or free-man fa'?
Let him follow me!

By oppression's woes and pains!
By your sons in servile chains!
We will drain our dearest veins,
But they shall be free!

Lay the proud usurpers low!
Tyrants fall in every foe!
Liberty's in every blow!
Let us do, or die!

This work published before January 1, 1923 is in the public domain worldwide because the author died at least 100 years ago.