The Speech of King Robert the Bruce to his Troops/The Speech of King Robert the Bruce to his Troops
THE SPEECH OF
KING ROBERT THE BRUCE
TO HIS TROOPS,
AT THE
BATTLE OF BANNOCKBURN.
Tune—"O Send Lewis Gordon hame."
I.
Scots, wha hae wi’ Wallace bled;
Scots, wham Bruce has aften led:
Welcome to your gory bed,
Or to glorious victorie!
II.
Now's the day, and now’s the hour;
See the front o’ battle lour;
See approach, proud Edward's power,
Edward! chains and slaverie!
III.
Wha will be a traitor-knave?
Wha can fill a coward’s grave?
Wha sae hase as be a slave?
Traitor! coward! turn and flie!
IV.
Wha for Scotland’s King and Law,
Freedom’s sword will strongly draw;
Freeman stand, or Freeman fa’,
Caledonian! on wi’ me!
V.
By Oppression's woes and pains!
By your sons in servile chains,
We will drain our dearest veins,
But they shall, they shall be free!
VI.
Lay the proud usurpers low!
Tyrants fall in every foe!
Liberty's in every blow!
Forward! let us do, or die!