Seven excellent new songs/Country lassie

---

COUNTRY LASSIE.

In simmer, when the hay was mawn.
And corn wav'd green in ilka field,
While clover blooms white o'er the lea,
And roses blaw on ilka bield;

Blyth Bessie in the milking shiel',
Says, I'll be wed, come o't what will
Out speak a dame in wrinkl'd eild,
O' gude advisement comes nae ill.

It's ye hae wooers mony ane,
And lassie, ye'er but young, ye ken
Then wait a wee, and canny wale
A routhie butt, a routhie ben:

There's Johnnie o' the Buskie Glen,
Fu' is his barn, fu' is his byre;
Tak this from me, my bonny hen.
It's plenty beets the lover's fire.

Far Johnnie o' the duskie Glen
I dinna care a singal flie;
He looes sae weel his craps the kye,
He has nae love to spare for me.

But blyth's the blink o' Robie's ee,
And weel I wat he looes me dear;
Ae blink o' him I wadna gie
For Buskie glen an' a' his gear.

O thoughtless lassie, life's a faught,
The canniest gate, the strife is sair;
But ay fu'-han't is fetchtin best,
A hungry care's an unco care:

But some will spend, and some will spare,
An wilfu' fouk maun hae their will;
Syne as ye drink, my maiden fair.
Keep mind, that ye maun drink the vill

O gear will buy me rigs o' land,
And gear will buy the sheep and kye
But the tender heart o' leesome love,
The gowd and siller canna buy.

We may be poor, Robie and I;
Light is the burben love lays on:
Content and love brings peace and joy:
What mair nae queens upon the thrown?

FINIS