The Book of Scottish Song/The Highland Maid

The Highland Maid.

Again the laverock seeks the sky,
And warbles, dimly seen;
And simmer views wi' sunny joy
Her gowany robe o' green.
But, ah! the simmer's blythe return,
In flowery pride array'd,
Nae mair can cheer this heart forlorn,
Or charm the Highland Maid.

My true love fell by Charlie's side,
Wi' mony a clansman dear;
That fatal day—oh, wae betide
The cruel Southron's spear!
His bonnet blue is fallen now;
And bluidy is the plaid
That aften, on the mountain's brow,
Has wrapt his Highland Maid.

My father's sheeling on the hill
Is dowie now and sad;
The breezes whisper round me still,
I've lost my Highland Lad.
Upon Culloden's fatal heath
He spake o' me, they said,
And faultered, wi' his dying breath,
"Adieu, my Highland Maid!"

The weary nicht for rest I seek;
The langsome day I mourn;
The smile upon my withered cheek
Can never mair return:
But soon beneath the sod I'll lie
In yonder lonely glade;
Then, haply, some may weep an' sigh—
"Adieu, sweet Highland Maid!"

---