The Cardin O't, The Spinnin O't

The Cardin O't, The Spinnin O't by Robert Burns

I coft a stane o' haslock woo',

To mak a wab to Johnie o't;

For Johnie is my only jo,

I loe him best of onie yet.

Chorus:

The cardin' o't, the spinnin' o't,

The warpin' o't, the winnin' o't;

When ilka ell cost me a groat,

The tailor staw the lynin' o't.

For tho' his locks be lyart grey,

And tho' his brow be beld aboon,

Yet I hae seen him on a day,

The pride of a' the parishen.

Chorus:

This work published before January 1, 1923 is in the public domain worldwide because the author died at least 100 years ago.