Wae's me for Prince Charlie (2)/Waes me for Prince Charlie

Waes me for Prince Charlie

⟨A⟩ wee bird cam to our ha, door,
he warbled sweet and clerly:
⟨And⟩ aye the o'ercome o' his sang
was, "Waes me for Prince Charlie,
Oh, when I heard the bonnie bonnie bird,
the tears came drappin, rarely,
⟨I⟩ took the bonnet aff my head
for weel I ⟨loved⟩ Prince Charlie.

Quo' I my bird, my bonnie bonnie bird
is that a tale ye borrow
Or is t some words ye ve learnt by rote
or a lilt o dool and sorrow?
Oh no no no the wee bird sang
Ive flown sin morning early;
But sic a day or wind and rain—
oh waes me for Prince Charlie.

On hills that are by right his ain
he roams a lonely stranger:
On every side he's pressed by want—
on every side by danger
Yestreen I met him in a glen
my heart maist bursted fairly;
For sadly changed indeed was he
oh waes me for Prince ⟨Charlie⟩.

Dark night cam on the tempest howled
out o'er the hill and valley’s;
And whare was't that your Prince lay down
whase hame should been a palace
He rowed hin in his Highland plaid
which covered him but ⟨sparely⟩
An slept beneath a bush o’ broom—
oh waes me for Prince Charlie.