I Unni

by Hugo de Rossi

I Unni  (1912)  by Hugo de Rossi ladin Brach

grafia moderna

I Unni

Duc sà che sort de jent che l'era i Unni, baste de dir, che a sie sorastant Atila i ge dijea "l flagel del mondo", e chist ve disc dut. Mben na uta i volea vegnir te Fascia per robar e copar. Sènt'Uiana la é vegnuda a saer per temp che che i vel far e la ge é sgolada encontra.

Da la premura no la se à tout l temp de sgolar ntorn Vael, ma l'à fat co la śabia n busc te chela crepa per passar. Sa mont da Vich l'à scontrà l comandador di Unni e la ge à fat veder, che te Fascia no i troa nia auter che stenta e meserie. L ge à cardù e l'à dat de outa con duc i sie.