Herrin in sa't/O fy haste Marg'ret

---

O FY, HASTE MARG'RET

O fy, haste Marg'ret! woman are ye in?
I nae sooner heard it, than fast I did rin,
Down the gate to tell ye, I ran down the gate to tell ye,
I ran down the gate to tell ye, we'll no be left our skin.

O gin ye heard it! O dear, dear!
There has nae been the like o’t since Mar's years:
For I'm a' panting panting panting,
For I’m a' panting find my heart here.

Fu' weel did I ken that a' was nae right,
For I dreamt o' red an' green a’ the last night;
Twa cats fighting, fighting, fighting,
An' twa cats fighting; I waken'd in a fright.

But ken ye gin our neighbour Elspit be in?
As ay gae and tell her an' see that ye rin,
An' auld Robby Barbar, auld Robby Barbar,
An' auld Rabby Barbar for we maun tell him.

O a'ay a wee woman an' tell it a' out,
They're bringing in black Popery, I fear an’ I doubt
An' a sad reformation a sad reformation,
A sad reformation in a' the kirks about.

Muckle do they say, an' mair may we fear;
The French an' the Spaniards are a' coming here;
And we'll a' be murder'd, murder'd, murder'd,
And we'll a' be murder'd, that's very clear.

But, for my part, I'm easy altho' they come the morn,
I'll gie them anither turn, for a' the nicks that's on my horn,
For I'll no yield it, yield it, yield it,
For I'll no yield it to ony man born.

Do ye so mind just on this very floor,
When we were a' reckit out to gang to Sherriemuir
Wi stanes in our aprons, wi' stanes in our aprons,
Wi stanes in our aprons, we did muckle deol, I'm sure.

Eh! now Marg'ret was nae yon a gun?
Asweel no, Elspit, it’s me breaking win’;
An' we're weel when we want it, want it, want it,
We're weel when we want it awa wi' little din.