Herrin in sa't/The mill, mill, o

---

THE MILL, MILL O.

Beneath a green shade I fand a fair maid,
was sleeping sound and still O;
A' lowin wi' love my fancy did rove,
around her wi’ good will O.
Her bosom I prest but sunk in her rest,
she stirr'd na my joys to spill O,
While kindly she slept close to her I crept,
and kiss'd and kiss'd her my fill O.

Obliged by command in Flander to land,
t’employ my courage and skill O,
Frae her quietly I staw, hoist sails an’ awa,
For the wind blew fair on the billow,
Twa years brought me hame, when loud-raising Fame,
tauld me wi’ a voice right shill O,
My lass like a fool had mounted the stool,
nor kend wha had done her the ill, O.

Mair fond o' her charm wi' my son in her arms,
I ferlying spear'd how she fell, O;
Wi' the tear in her ee quo she, let me die,
sweet air, gin I can tell, O.
But love gave command, I took her by the hand,
and bade a’ her fears dispel O,
And nae mair look vain, for I was the man,
wha had done her the deed mysel, O.

My bonny sweet lass, on the gowany grass,
beneath the shilling hill, O,
If I did offence, I've mak ye amends,
before I leave Peggy's mill, O.
O the mill mill O and the kill kill O
and the coggin o' the weel, O,
The sake and sieve, a' that ye maun leave,
and round wi' a sodger reel, O.

FINIS.