ware ye brigg' schall be of all' sydes And in ye mydwarde ware itte is most nedefull'; And make ye brandereth' of ye ta landestathe be laide befor ye fest of ye Inuencion̄ of ye haly Crosse next comande[1]: And ye tothir branderetb' of ye tothire landestath' to be laide be ye fest of ye Natiuite of seint Joh'n Baptist yen next Eftyr folowand[2] And ye forsaid Nich' & his felaws schall' of yair cost kepe ye wat' wer' And defende itte fro ye saides Th' Joh'n & Kob't to ye tyme ye branderath' be laid & yair werke of masoncraft be passed ye danger' And ye noiesance of ye same said watir; And all' sa ye same Nich' & his felaws schall' gar [lay] or mak be layde ye brandereth' of a pilere be ye fest of ye Inuenc' of ye hale Crosse yen next eftir folovande in ye tothir zer' And ye tothir[3] brandereth' be ye fest of seint Joh'n Baptist yen next eftir folowande in ye same zere; And ye saides Nich' And his felaws. schall' raise or mak[4] be raised in ye thridde zere ye seentrees ye ton̄ p't be ye same fest of ye Inuenc' of ye haly Crosse And ye tothire be ye feste of seint Joh'n Baptist next eftir fillovande: And ye saides Joh'n Th' & Rob't schall' this forsaid brigg sufficiantly in masoncraft make And fully p'formed in alle p'tiez And holy endyd' be ye fest of seint Michill' ye arcangell' quilk yt schall' fall' in ye zere of oure lord gode a Ml CCCCxxv for ye quilk saide werke ye forsaides Nich' and his felaws schall' pay or mak to be payde to ye forsaides Th' Joh'n & Rob't CCls marc' of Sterlynges And ilkan of yaim ilka zere a govnne acordande to zare de gree atte ye festez And ye zeres vndirwrytyn' yt is to say in hande xx li. And atte ye festez of ye Inuenc'of ye haly Crosse Ant seynt John Baptist next fillovande eftir ye date of yis indent's be even porcions xl. li. And thre govns; And atte ye fest of seint Hillarij[5] in the zere of oure lord gode a Ml CCCCxxij. xx. li. And atte ye forsaides festes of ye Inuenc' of ye holy Crosse And seint Joh'n Baptist next eftir fillow^ande be even porcions . xl. li. quilk saides festes schall' fall' in ye zere of our lord gode a Ml CCCCxxiij. And thre govnns atte ye said fest of Seint Joh'n And atte ye fest of seint Hillarij next eftir yat in ye same zere of our lord . xx. li'. And atte ye saide festes of ye Inuenc' of holy Crosse next eftire yt quilk sall' fall' in the zere of our lord gode a Ml. CCCCxxiiij. xx. li. And atte ye saides fest of seint Joh'n Baptist next eftir in ye same zere of oure lorde . xx. marc' And thregovnnes atte ye same fest of seint Joh'n swa yt ye brigg' be endede Ande mad be yat tyme And if atte[6] be vnmade yai sall' haue bot . x. marc'. And quen yair werke is finyst And endede . x. marc' And all'so ye forsaides Nich' And his felaws sall' gyf to ye saides Masons atte yair entre CCC yrene And stelle to ye value of vj. s. viij. d. And ye saides Nich' And his felaws schall' make a luge of tre ate ye said brigge in ye quilk ye forsaides Masons schall' wyrke yt is to say . iiij. romes of syclles And two henforkes quilk luge sall' be made and couerde And closede resonably . be fastyn-gange[7] next comynge: And if it be fall' yt ye forsaides Thomas Joh'n And Rob't And yair s'uantz haue nogth' All' yair couantz fulfilde be . vj.
- ↑ May 3.
- ↑ June 24.
- ↑ Indistinct.
- ↑ Indistinct.
- ↑ January 13, 142223
- ↑ Sic. Northern mode of parlance, occuring previously in the context.
- ↑ Shrove Tuesday, called Fastingham, or Fastyngonge Tuesday, Fasterns, or Fasting Even. See Brand's Antiqu., and Promptorium Parvulorum, r. "Fast gonge,or schraffetyde."
