ritatis placet: quia plus ac misericors Deus à se vult veniam precibus exigi, qui quantum meremur, non vult irasci. Hinc etenim per Psalmistam dicitur: [1]Invoca me in die tribulationis tuæ; & eripiam te, & magnificabis me. Ipse ergo sibi testis est, quia invocantibus misereri desiderat, qui monet ut invocetur. Proinde, fratres carissimi, contrito corde, & correctis operibus crastina die ab ipso seriæ quartæ diluculo, ad Litaniam septiformem, [juxta distributionem inferius designatam, devota mente cum lachrymis veniamus. Nullus vestrûm ad terrenæ opera in agros exeat, nullus quodlibet negotium agere præfumat: quatenus ad sanctæ genetricis Domini ecclesiam convenientes, qui simul omnes peccavimus, simul omnes mala quæ fecimus deploremus:] ut districtus judex dum culpas nostras nos punire considerat, ipse a sententia propositæ damnationis parcat. [Litania Clericorum exeat ab ecclesia beati Johannis Baptistæ: Litania virorum, ab ecclesia beati martyris Marcelli: Litania Monachorum, ab ecclesia martyrum Johannis & Pauli: Litania ancillarum Dei, ab ecclesia beatorum martyrum Cosmæ & Damiani: Litania feminarum conjugatarum, ab ecclesia beati primi martyris Stephani: Litania viduarum, ab ecclesia beati martyris Vitalis: Litania Pauperum & Infantium, ab ecclesia beatæ martyris Cæciliæ.]
Quapropter multitudo tum Presbyterorum, tum Monachorum, tum etiam Laicorum, secundum beati Gregorii institutum, die Mercurii, ad septiformem Litaniam venerunt, eousque tamen prius memorata lues
- ↑ Psal. xlix. 15.
