intelligat fuisse concubitum cum affectu ad sexum indebitum et cum pollutione, nee est necessarium inquirere de modo coeundi.[1]
Sodomia igitur consistit in concubitu cum sexu indebito cum pollutione, unde siquis se polluit simplicitur tangendo alium, malitiae ejus inconscium sine affectu ad personam, et sine concubitu, habetur pollutio non sodomia. Si alter etiam peccat, circumstantia complicitatis in confessione erit manifestanda. Probabile est specie non distingui peccatum agentis et patientis, si ex utraque parte adfuerit pollutio.
ARTICULUS III
De Bestialitate
Bestialitas est concubitus cum bestia.
Dummodo adsit pollutio indifferens est sive bestia sit masculina sive feminina, qua specie sit, vel qua parte coeatur, cum malitia hujus peccati consistat in accessu ad diversam speciem, quacum generatio haberi non possit. Gravius est peccatum quam etiam sodomia, cum in hoc peccato non servetur eadem species. Constat vero hodie generationem non sequi ex commercio hominis cum bestia.
Sodomia et bestialitas gravissime lege ecclesiastica et etiam municipali puniuntur (Can. 2357, 2359).
- ↑ St. Alphonsus, 3, n. 466.
