This page has been validated.
A NIGHT FRAE HAME.
I've been thinking, I've been thinking,
I've been thinking a' day lang,
That yestreen when I was drinking
I was doing what was wrang.
I gaed out yestreen at gloaming,
To enjoy the caller air,
And amang the fields gaed roaming,
Simmer evening's sweets to share.
Fragrant zephyrs gently glided
O'er the flower-enamelled plain,
Where wi' Merey, Peace presided,
Far frae angry Strife's domain.
But as hamewards I was walking
I forgather'd wi' a frien',
Wha in raptures fell a-talking
O'the place where he had been.
Thoughtlessly I listen’d to him,
Till we reach'd a yill-house door,
Where the soun' o' voices drew him
To where he had been before.