Cruel father, or, The loyal lover's downfal (1820)/The hallow fair
THE HALLOW FAIR.
There's mony bra’ Jockies and Jennies,
comes weel busket into the fair,
Wi’ ribbons on their cockernonies,
and south o’ bra’ flour i’ their hair;
Maggy sae brawly was busket
when Jocky was ty’d to his bride,
The pownie was ne’er better whisket,
wi’ a cudgel that hang by his side.
Sing fal de ral, lad de.
But Willie the muirland laddie,
was mounted upon a grey cowt,
Wi’ his sword by his side like a cadie,
to ca’ in the sheep and the nowt:
Sae nicely his ⟨doublets⟩ did fit him,
they scarcely came down to mid-thie,
Wi weel powder'd hair, hat and feather,
wi’ houzen, curple, and tie.
Sing fal de ral, la de.
But Maggy grew wondrous jealous,
to see Willie busket sae bra',
An’ Wattie he sat i' the ale-house,
and hard at the bicker did ca',
Sae nicely as Maggy sat by him,
he took the pint-stoup in his arms,
Quo’ he, I think they’re right saucy,
that lo’ea na good fathers bairns.
Sing fal de ral, la de.
But now it grew late i' the eening,
and bughting time was drawing near;
The lasses had stanch’d a' their greening,
wi' south o' bra’ apples and pears;
There's Tibbie and Sibbie and Lillie,
wha weel on ⟨the⟩ spindle ⟨could⟩ spin,
⟨Stood⟩ glowring at signs and glass winnocks,
but fiend a ane bade them come in.
Sing fal de ral la de.
Gosh guides, did you e’er see the like o’
see yonder's a ⟨bonny⟩ black swan,
It looks as it fain wad be at us
what’s yon that it has in it's han'?
Awa' ⟨daft⟩ gowk quo' Wattie,
it's nane but a rickle o' ⟨sticks⟩.
See here's the dei ⟨and⟩ Bell Hawkie,
an' yonder's Mess James and Auld Nick.
Sing fal de ral, la de.
But Bruckie played boo to Bawrie,
and aff gaed the cowt like the win'
Poor Willie he fell i' the cawrie
and bi zed a' the banes in his skin,
The pistols fell out o' the holsters
and were a' ⟨bedaubed⟩ wi' dirt,
The fowks ran about ⟨him⟩ in clusters,
some leugh, and said lad ⟨are⟩ you hurt?
Sing fal de ral, la de.
The ⟨cowt⟩ wad let nae body near him,
he was aye sae wanton and skeegh,
The pad er stanes ⟨he⟩ lap o'er ⟨them⟩,
an' gart a' the fouk stan' abeegh;
We a' sneering behin' and before him,
for sic is the mettle o' brutes,
Poor Wattie, and waes me for him,
was forced to gang hame in his boots.
Sing fal de ral, la de.
This work was published before January 1, 1929, and is in the public domain worldwide because the author died at least 100 years ago.
Public domainPublic domainfalsefalse