Dainty Davie (1823)/The rantin dog the daddie o't
Jump to navigation
Jump to search
the rantin dog the daddie o't.
O wha my babbie-clouts will buy?
Wha will tent me when I cry?
Wha will kiss me whar I lie?
The rantin dog the daddie o't.—
Wha will own he did the faut?
Wha will buy my groanin maut?
Wha will tell me how to ca't?
The rantin dog the daddie o't.—
When I mount the creepie chair,
Wha will sit beside me there?
Gie me Rob, I seek nae mair,
The rantin dog the daddie o't.
Wha will crack to me my lane?
Wha will mak me fidgin fain?
Wha will kiss me owre again?
The rantin dog the daddie o't.—
This work was published before January 1, 1929, and is in the public domain worldwide because the author died at least 100 years ago.
Public domainPublic domainfalsefalse