My Bonnie Mary (1815-1825)/There's Nought But Care on Ev'ry Hand
green grow the rashes.
There's nought but care on every han'
In every hour that passes, O;
What signifies the life o‘ man,
An‘ ‘twere na for the lasses, O.
Green grow the rashes, O,
Green grow the rashes, O;
The sweetest hours that e'er I spend,
Are spent among the lasses, O.
⟨The⟩ warly race may riches chase,
An’ riches still may flee them, O;
⟨An‘⟩ tho‘ at last they catch them fast,
Their hearts can ne'er enjoy them, O.
Green grow, &c.
(illegible text)t gie me a canny hour at e'en,
My arms around my dearie, O;
(illegible text)hen warly cares an‘ warly men,
May a‘ gae tapsalteerie, O.
Green grow, &c.
(illegible text)r you sae douse, ye sneer at this
Ye're nought but senseless asses, O;
⟨The⟩ wisest man the warl e'er saw,
He dearly lov'd the lasses, O.
Green grow, &ca
(illegible text)ld Nature swears, the lovely dears
Her noblest work she classes, O;
⟨Her⟩ prentice han' she try'd on man,
An' then she made the lasses, O,
Green grow, &c.