Oxford Book of English Verse 1250-1918/Piers the Plowman

From Wikisource
Jump to navigation Jump to search
For other versions of this work, see Piers Plowman.

?1332–?1400

12
12
Piers the Plowman

FOR trewthe telleth that loue • is triacle[1] of hevene;
May no synne be on him sene • that useth that spise,
And alle his werkes he wrouȝte • with loue as him liste;[2]
And lered[3] it Moises for the levest[4] thing • and moste like to heuene,

And also the plante of pees • moste precious of vertues.
  For hevene myghte noughte holden it • it was so hevy of hym-self,
Tyle it hadde of the erthe • yeten[5] his fylle,
  And what it haved of this folde • flesshe and blode taken,
Was neuere leef upon lynde[6] • lighter ther-after,
And portatyf[7] and persant • as the poynt of a nedle,
That myghte non armure it lette[8] • ne none heigh walles.
  For-thi is love leder • of the lordes folke of hevene,
And a mene[9], as the maire is • bitwene the kyng and the comune,
Right so is love a ledere • and the lawe shapeth
Upon man for his mysdedes • the merciment[10] he taxeth.
And for to knowe it kyndely[11] • it comseth bi myght,
And in the herte, there is the hevede • and the heigh welle.

 
  1. triacle] sovereign remedy.
  2. as him liste] as seemed good to him (Christ).
  3. lered] taught.
  4. levest] most pleasing.
  5. yeten] eaten.
  6. lynde] lime tree
  7. portatyf] quick-moving.
  8. lette] prevent.
  9. mene] mediator
  10. merciment] fine.
  11. kyndely] properly.