Seven love songs/The land o' the leal

by Anonymous

The land o’ the leal.

 I’m wearin awa, Jean,
Like snaw-wreathes in thaw, Jean,
I'm wearin awa
 To the land o’ the leal.

There’s uae sorrow there, Jean,
There’s neither cauld nor care, Jean,
The day’s aye fair
 In the land o’ the leal.

Our bonnie bairn’s there, Jean,
She was baith guid and fair, Jean,
And, oh! we grudged her sair
 To the land o’ the leal.

But sorrow’s sel’ wears past, Jean,
And joy is comin fast, Jean,
The joy that‘s aye to last
 In the land o‘ the leal.

Our friends are a‘ gane, Jean,
We’ve lang been lift alane, Jean,—
We’ll a‘ meet again
 In the land o‘ the leal.

Oh! dry your glistening e‘e, Jean,
My soul langs to be free, Jean,
And angels beckon me
 To the land o‘ the leal.

Oh! haud ye leal and true, Jean,
Your day its wearin thro, Jean,
And I‘ll welcome you
 To the land of the leal.

Now fare-ye-weel, my ain Jean,
This warld‘s cares are vain, Jean,
We‘ll meet and ay be fain
 In the land o‘ the leal.

---