Tam Glen (Stirling)/Blythe was she

---

BLYTHE WAS SHE.

Blythe, blythe and merry was she,
⁠Blythe was she but and ben:
Blythe by the banks of Earn,
⁠And blythe in Glenturit Glen.

By Oughtertyre grows the aik,
⁠On Yarrow banks the birken-shaw,
But Phemie was the bonniest lass,
⁠That braes o' Yarrow ever saw,
⁠Blythe, &c.

Her looks were like a flower in May,
⁠Her smile was like a simmer morn;
She tripped by the banks of Earn,
⁠As light's a bird upon a thorn.
⁠Blythe, &c.

Her bonny face it was as meek,
⁠As ony lamb upon a lee,
The e'ening sun was ne'er so sweet,
⁠As was the blink o' Phemie's e e,
⁠Blythe &c.

Highland hills I've waade 'd wide,
⁠An' o'er the Lowlands a' ha'e been,
But Phemie was the blythest lass,
⁠That ever trod the dewy green.
⁠Blythe, &c.