Tam Glen (Stirling)/Tam Glen
TAM GLEN.
My heart is a breaking, dear Tittie,
Some counsel unto me come len':
To anger them a' is a pity,
But what will I do wi' Tam Glen?
I'm thinking, wi' sic a braw fallow,
In poortith I might mak' a fen',
What care I in riches t o wallow,
If I mauna marry Tam Glen.
There's Lowrie the Laird o' Drummiller,
Gude day to you, brute, he comes ben,
He brags an' he blaws o' his si ler,
But when will he dance like Tam Glen?
My minnie does constantly deave me,
An' bids me beware o' young men;
They flatter, she ⟨says⟩, to deceive me;
But wha can think sae o' Tam Glen?
My daddy says, gin I'll forsake him
He'll gie me guid hunder merks ten.
But if its ordain'd I maun tak' him
O wha will I get but Tam Glen?
Yestreen at the Valentine’s dealing,
My heart to my mou’ gied a sten,
For thrice I drew ane without failin',
An' thrice it was written Tam Glen.
The last Halloween I was waukin,
My droukit sark-sleeve, as ye ken,
His likeness cam' up the house staukin,
An’ the very grey breeks o' Tam Glen-.
Come counsel, dear Tittie, don't tarry,
I'll gie you my bonny black hen,
Gin ye will advise me to marry,
The lad I loe dearly, Tam Glen.