Birks of Invermay/The Peck o' Maut
WILLIE BREW'D A PECK O' MAUT.
O Willie brew'd a peck o' maut,
And Rab and Allan cam to prie;
Three blyther lads that lee lang night,
Ye wdna fand in Christendie.
We are na fou, we're na that fou,
But just a wee drap in our ee;
The cock may craw the day may daw
But ay we'll taste the barley bree.
Here are we met, three merry boys,
Three merryboys I trow are we;
And mony a canty night we've seen,
And mony mae we hope to see.
We are na fou, &c.
It is the moon I ken her horn,
That's blinkin in the lift sae hie;
She shines sae bright to wyle us hame,
But by my sooth she'll wait a wee
We are na fou, &c.
Wha first shall rise to gang awa,
A cuckold coward loon is he!
Wha last beside his chair shall fa',
He shall be king amang us three.
We are na fou, &c.
This work was published before January 1, 1929, and is in the public domain worldwide because the author died at least 100 years ago.
Public domainPublic domainfalsefalse