Blue e'ed Mary/Young jockey

From Wikisource
Jump to navigation Jump to search
Blue e'ed Mary  (1804-1819) 
Young Jockey


Young Jockey was the blithest lad
In a’ our town or here awa;
Fu’ blithe he whistled at the gaud,
Fu’ lightly danc’d he in the ha’!
He roos’d my e’en sae bonnie blue,
He roos’d my waist sae genty sma;
An’ ay my heart comes to my mou,
When ne’er a body heard or saw.

My Jockey toils upon the plain,
Thro’ wind and weet, thro’ frost and snaw;
And o’er the lea I leuk fu’ fain
When Jockey’s owsen hameward ca’.
An’ ay the night comes round again,
When in his arms he taks me a’;
An’ ay he vows he’d be my ain
As lang’s he has a breath to draw.

This work was published before January 1, 1926, and is in the public domain worldwide because the author died at least 100 years ago.