Bonny Barbara Allan (1815-1825)/Bonny Barbara Allan
BONNY BARBARA ALLAN.
It was in and about the Martinmas time,
When the green leaves were a-falling,
That Sir John Graeme in the west country
Fell in love with Barbara Allan.
He sent his man down thro' the town,
To the place where she was dwelling,
O haste and come to my master dear,
Gin ye be Barbara Allan.
O hooly hooly rose she up,
To the place where he was lying,
And when she drew the curtain by,
Young man, I think ye're dying.
O its I'm sick, and very very sick,
And 'tis a' for Barbara Allan,
O the better for me ye'se never be,
Tho' your heart's blood were a-spilling.
O dinna ye mind, young man, said she,
When ye was in the tavern a drinking
That ye made the healths gae round and round,
And slighted Barbara Allan.
He turn'd his face unto the wall,
And death was with him dealing,
Adieu, adieu, my dear friends all,
And be kind to Barbara Allan.
And slowly slowly raise she up,
And slowly slowly left him;
And sighing, said, she could na stay,
Since death of life had reft him.
She had not gane a mile but twa,
When she heard the dead bell ringing
And ev'ry jow that the dead-bell gied,
It cry'd, Woe to Barbara Allan.
O mother, mother, mak my bed,
O mak it saft and narrow,
Since my love dies for me to-day,
I'll die for him to morrow.
Public domainPublic domainfalse