Burns' Popular Songs/The Weary Pund o' Tow
Jump to navigation
Jump to search
The Weary Pund o' Tow.
The weary pund, the weary pund,
The weary pund o' tow;
I think my wife will end her lifs
Before she spin her tow.
The weary pund o' tow;
I think my wife will end her lifs
Before she spin her tow.
I bought my wife a stane o' lint
As guid as e'er did grow;
And a' that she has made o' that,
Is ae poor pund o' tow.
As guid as e'er did grow;
And a' that she has made o' that,
Is ae poor pund o' tow.
There sat a bottle in a hole,
Beyont the ingle lowe,
And aye she took the thither souk,
To drouk the stowrie tow.
Beyont the ingle lowe,
And aye she took the thither souk,
To drouk the stowrie tow.
Quoth I, for shame, ye dirty dame,
Gae spin your tap o' tow!
She took the rock, and wi' a knock
She brak it o'er my pow.
Gae spin your tap o' tow!
She took the rock, and wi' a knock
She brak it o'er my pow.
At last her feet. I sang to see't.
Gaed foremost o'er the knowo;
And or I wed anither jail,
I'll wallop in a tow.
Gaed foremost o'er the knowo;
And or I wed anither jail,
I'll wallop in a tow.