Buxom dame of Reading, or, The cuckold's cap (1)/Bad Luck to the Penny
BAD LUCK TO THE PENNY.
WHAT can a young lassie, what shall a young lassie,
What can a young lassie do wi’ an auld man!
Bad luck on the penny, that tempted my minnie
To sell her poor Jenny for siller and lan’!
Bad luck on the penny, that tempted my minnie, etc.
He's always compleein' frae mornin' to e’enin’,
He hofts and he hirples the weary day lang;
He’s doy’lt and he’s dozin, his blude it is frozen,
O dreary’s the night wi’ a crazy auld man! Bad, etc.
He hums and he hankers, he frets and he cankers,
I never can please him, do a’ that I can;
He’s peevish, and jealous of a' the young fellows,
O, dole on the day I met wi’ an auld man. Bad, etc.
My auld auntie Katie, upo’ me taks pity,
I’ll do my endeavour to follow her plan;
I’ll cross, him and wreck him until I heart-break him,
And then his auld brass will buy me a new pan. etc.
This work was published before January 1, 1929, and is in the public domain worldwide because the author died at least 100 years ago.
Public domainPublic domainfalsefalse