Christmas Carols, Ancient and Modern/De Natiuitate 1

For works with similar titles, see De Nativitate.

DE NATIUITATE.

Proface, welcom, well come,
This tyme ys born a chylde of grace,
y^t for vꝰ mãkynde hathe take.
⁠proface.
A kyngs sone and an emperoure
ys comyn oute of a maydynys toure,
w^t vꝰ to dwelle w^t grete honowre.
⁠proface.
This holy tyme of cristsmesse
All sorwe & synne we shulde relese,
And caste away all heuynesse.
⁠ꝑface.
The gode lord of this place entere
Seith welcome to all y^t now apere
Vnto suche fare as ye fynde here.
⁠ꝑface.
Well come be this new ere,
And loke ye all be of gode chere,
Oure lorde god be at our denere.
⁠ꝑface.