Dainty Davie (1823)/Sic a wife as Willie had
sic a wife as willie had.
Willie Wastle dwalt on Tweed,
The spot the ca'd it Linkumdoddie,
Willie was a wabster guid,
Could stown a clue wi' ony bodie;
He had a wife was dour and din.
Tinkler Maggie was her mither;
Sic a wife as Willie had,
I wadna gie a button for her.
She has an e'e, she has but ane,
The cat has twa the very colour;
Five rusty teeth, forbye a stump,
A clapper tongue was cleave a miller;
A whiskin beard about her mou,
Her nose and chin they threaten ither;
Sic a wife, &c.
She's bow-hough'd, she's hein-skinn'd;
Ae limpin lef a hand-breed shorter;
She's twisted right, she's twisted left,
To balance fair in ilka quarter:
She has a hump upon her breast,
The twin o' that upon her shouther;
Sic a wife, &c.
Auld baudrons by the ingle sits,
And wi' her loof her face a-washin;
But Willie's wife is nae sae trig,
She delights her grunzie wi' a hushion;
Her walie nieves like midden cree's,
Her face wad fyle the Logan water;
Sic a wife, &c.
This work was published before January 1, 1929, and is in the public domain worldwide because the author died at least 100 years ago.
Public domainPublic domainfalsefalse