Dinna think bonny lassie/Dinna think bonny lassie

DINNA THINK, BONNIE LASSIE.

O dinna think, bonnie lassie, I'm gaun to leave thee;
Dinna think, bonnie lasssie, I'm gaun to leave thee;
Dinna think, bonnie lassie, I'm gaun to leave thee;
I'll tak a stick into my hand, and come again & see thee,
Far's the gate ye hae to gang, dark's the night and eerie,
Far's the gate ye hae to gang, dark's the night and eerie,
Far's the gate ye hae to gang, dark's the night and eerie,
O stay this ae night wi' your love, and dinna gang and leave me.

It's but a night and hauf a day that I'll leave my dearie;
But a night and hauf a day that I'll leave my dearie;
But a night and hauf a day that I'll leave my dearie,
Whene'er the sun gaes west the loch, I'll come again and see thee.
Dinna gang, my bonnie lad, dinna gang and leave me;
Dinna gang, my bonnie lad, dinna gang and leave me;
When a' the lave are sound asleep I am dull & eerie,
And a' the lee-lang night I'm sad, wi' thinking on my dearie.

⟨O⟩ dinna think, bonnie lassie, I'm gaun to leave thee;
⟨Dinna⟩ think, bonnie lassie, I'm gaun to leave thee;
⟨Dinna⟩ think, bonnie lassie, I'm gaun to leave thee;
Whene'er the sun gaes out of sight, I'll come again and see thee.
Waves are rising o'er the sea, winds blaw loud and fear me;
Waves are rising o'er the sea, winds blaw loud and fear me.
While the winds and waves do roar, I am wae and drearie,
⟨And⟩ gin ye loo me as ye say, ye winna gang & leave me.

O never mair, bonnie lassie, will I gang and leave thee;
⟨Never⟩ mair, bonnie lassie, will I gang and leave thee;
⟨Never⟩ mair, bonnie lassie, will I gang and leave thee;
⟨E'en⟩ let the warld go as it will I'll stay at hame and cheer thee.
⟨Frae⟩ his hand be coost his stick; I winna gang and leave thee;
⟨Threw⟩ his plaid into the neuk, never can I grieve thee;
Threw his boots and flang them by, cried, my lass be cheerie
I'll kiss the tear frae aff thy cheek, and never leave my dearie.