Excellent collection of popular songs (1815-1825)/Charlie he's my darling

Charlie he's my Darling.

’Twas on a Monday morning,
Right early in the year,
That Charlie came to our town,
The young Chevalier.
An’ Charlie he’s my darling,
My darling, my darling,
Charlie he’s my darling,
The young Chevalier.

As he was walking up the street,
The pity for to view,
O there he spied a bonnie lass
The window looking thro’.
An’ Charlie, &c.

Sae light’s he jumped up the stair,
And tirled at the pin;
And wha sae ready as hersel,
To let the laddie in.
An’ Charlie, &c.

He set his Jenny on his knee,
All in his Highland dress;
For brawlie weel he ken’d the way
To please a bonny lass.
An’ Charlie, &c.

Its up yon heathery mountain,
And down yon scroggy glen,
We daur nae gang a milking,
For Charlie and his men.
An’ Charlie, &c.