Five songs (1)/Bonny Jessie

From Wikisource
Jump to navigation Jump to search
Five songs (1815–1820)
Bonny Jessie
3174216Five songs — Bonny Jessie1815-1820

BONNY JESSIE

NOW Edinbro' I'm gaun to leave,
And thee, my bonnie dear, Jessie,
A while a-tween us now maun roar,
A tumbling, swelling sea, lassie.
But when frae thee, my bonny fair,
For dearest love I ha'e, Jessie,
I'll think on thee, when far awa,
O thou sae bonnie gay lassie.

I'll think on those bewitching smiles
That won my heart sae dear, Jessie;
I'll think upon sweet Hawthorn’s den,
How blithe hae we been there, lassie?
The Edinburgh’s bonny walks
Along with thee did bear, Jessie,
And thought mysel' the brawest lad
Wi' thee, sae bonny fair, lassie.

It's wealth that wears the silk attire
But wha can e'er win me, Jessie;
While I ha'e beauty, worth, and love,
A' that be dear in thee, lassie,
I dinna look me at the world,
Ev'n a' that it can gi'e, Jessie;
It's sacred mair what makes me love,
And binds my heart to thee, lassie.

And haud me now aye as your ain,
By a' those vows sae dear, Jessie,
And nane nor they do ken that love,
Alone to thee I bear, lassie.
It's thine wherever I do be,
Divide nae seas can we, Jessie;
The dearest wish here that I hae,
Is mine aye wert thou dear lassie.


This work was published before January 1, 1929, and is in the public domain worldwide because the author died at least 100 years ago.

Public domainPublic domainfalsefalse