Four Popular Songs (2)/My Mither Men't My Auld Breek's

by Anonymous

SONGS.

---

My Mither Men’t My Auld Breeks.

My mither men't my auld breeks,
 an wow but they were duddy
An' sent me to get shod her mare,
 at Robin Tamson's smiddy;
The smiddy stands beside the burn
 that wimples thro' the clachan,
I never yet gae by the door,
 but aye I fa' a laughin'.

For Robin was a walthy earle,
 an' had ae bonnie dochter.
Yet ne'er wad let her tak a man,
 tho mony lads had sought her:
But what think ye o' my exploit?
 the time our mare was shoeing,
I slipet up beside the lass,
 an briskly tell a wooing.

An’ aye she e’ed my auld breeks,
 the time that we sat crackin'.
Quo' I my lass ne'er mind the clous,
 Ive new anes for the makin;
But gin ye'll just come home wi' me
 an' lea the earle your faither
Ye'se get my breeks to keep in trim.
 mysel' an' a thegither.

Deed lad quo she your offers fair,
 I really think I ll tak‘ it.
Sae gang awa' get out the mare
 we‘ll baith sl p on the back o t;
For gin I wait my father's time.
 I'll wait till I be fifty
But na; I ll marry in my prime,
 an' mak a wife fu' thrifty.

Auld Robin girned an' sheuk his pow,
 guid sooth quo' he you're merry
But I'll just tak ye at your word
 an' end this hnrry burry;
So Robin an' our auld gudewife,
 agreed to creep thegither
Now I hae Robin Tamson's pet
An' Robin has my mither.

---