Glasgow Peggy/Glasgow Peggy

GLASGOW PEGGY

---

A BONNIE laddie brisk and gay,
A handsome youth sae brisk and gaddie;
And he is on to Glasgow town,
To steal awa' his bonnie Peggy.

When he came into Glasgow town,
Upon her father's green sao steady;
"Come forth, come forth, old man," he says,
“ For I am come for bonnie Peggy."

Out it spake her father then,
"Begone from me, ye Highland laddie ;
There's nane in a' the west country
Dare steal from me my bonnie Peggy."

"I've ten young men all at my back,
That ance to me were baith true and steady;
If ance I call, they'll soon be nigh,
And bring to me my bonnie Peggy."

Out it spake her mother then,
Dear but sho spake wond'rous saucy;
Says, "Ye may steal my cow or ewe,
But I'll keep sight o' my ain lassie."

"Hold your tongue, old woman," he says,
"Ye think your wit it is fu' ready;
For cow nor ewe I ever stole,
But I will steal your bonnie Peggy."

Then all his men they boldly came,
That was to him baith true and steady;
And through the ha' they quickly went,
And forth they carried bonnie Peggy.

Her father gae mony shout and cry,
Her mother cursed the Highland laddie;
But he heard them as he heard them not,
But fix'd his eye on bonnie Peggy.

He set her on his milk-white steed,
And he himsel' on his grey naigie,
Still along the way they rode,
And he's awa' wi' bonnie Peggy.

Says, "I would gi'e baith cow and ewe,
And sae would I this tartan plaidie,
That I was far into the north,
And alang wi' me my bonnie Peggy."

As they rode down yon pleasant glen,
For trees and brambles were right mony,
There they met the Earl o' Hume,
And his young son, were riding bonnie.

Then out it spake the young Earl Hume,
Dear but he spake wondrous gaudie;
"I'm wae to see sae fair a dame
Riding alang wi' a Highland laddie."

"Hold your tongue, ye young Earl Hume,
O dear but you do speak right gaudie;
There's nae a lord in a' the south,
Dare e'er compete wi' a Highland laddie."

Then he rade five miles through the north,
Through mony hills sae rough and scroggie,
Till they came down to a low glen,
And ho lay down wi' bonnie Peggy.

Then he enclosed her in his arms,
And row'd her in his tartan plaidie;
"There are blankets and sheets in my father's house,
How havo I lien down wi'a Highland laddie!"

Says he, "There are sheep in my father's fauld,
And every year their wool is ready;
By the same our debts we pay,
Although I be but a Highland laddie.

"Thero are fifty cows in my father's byre,
That all are tyed to the stakes, and ready;
Five thousand pounds I ha'e ilk year,
Although I be but a Highland laddie.

"My father has fifty well shod horse,
Besides your steed and my grey naigie;
I'm Donald o' the Isle o' Sky,
Why may not you be ca'd a lady?

"See ye not yon fino castle,
On yonder hill that stands sae gaudie;
And there we'll win this very night,
Where ye'll enjoy your Highland laddie."