Jessie the Flower o' Dumblain/Jessie the Flower o' Dumblain
THE FLOWER O’ DUMBLAIN.
The ſun had gane down o’er the lofty Ben lomond,
And left the red cloud to preſide o’er the ſcene,
While lanely I ſtray’d in a calm ſimmer gloam
To muſe on ſweet Jeſſy the flower o' Dumblain,
How ſweet is the brier wi' its ſaft faulding blossom,
And ſweet is the birk wi’ its mantle o’ green
Yet ſweeter, and fairer and dear to this boſom
Is lovely young Jessie the flower o’ Dumblain
Is lovely, &c.
She’s modeſt as ony, and blithe as ſhe’s bonny,
For guileleſs ſimplicity marks her its ain,
An’ far be the villain, diveſted o’ feeling,
Wad blight in its bloom, the ſweet flower o' Dumblain.
Sing on thou ſweet mavis thy hymn to the e'ening,
Thou’rt dear to the echoes o’ Calderwood glen
Sae dear to this boſom, ſae artleſs and winning,
Is charming young Jeffy the flower o’ Dumblain,
Is charming, &c.
How loſt were my days till I met wi’ my Jeffy,
The ſports o’ the city ſeem‘d fooliſh and vain;
I ne’er ſaw a nymph I could ca’ my dear laſſie,
Till charm'd wi‘ young Jeffy the flower o‘Dumblain.
Tho‘ mine were the ſtation o‘ loftieſt grandeur,
Amidſt its profuſion I'd languiſh in pain,
And reckon it as naething the height o' its ſplendor,
If wanting ſweet Jeffy the flower o' Dumblain;
If wanting, &c.