King George IV. his welcome to Scotland/King George IVth's welcome to Scotland

KING GEORGE IVth's

WELCOME TO SCOTLAND.

LANG time we've waited for our King,
That we might caper, rant and fling,
And lightly dance, and gladly sing,
⁠You're welcome Royal Geordie.

chorus.

⁠But oh! you are lang a-coming,
⁠Lang, lang, lang a-coming:
⁠O dinna be sae lang a-coming,
⁠⁠Come awa, King Geordie.

Than Glasgow town there is not one,
In a' your great and glorious lan',
Who'll turn out a truer ban',
⁠To guard their Royal Geordie.
And by the powers aboon we swear,
If any traitor come you near,
The fause loon we'll in pieces tear,
⁠A' for our love to Geordie.

For weel we ken your title's gude,
And shall maintain it with our blude,
If any foreign foeman should
⁠Dispute the right o' Geordie.
Then hasre ye, Geordie, come awa,
We'll dress our wives and weans fu' braw,
They'll rend the lift wi' glad huzza,

⁠To welcome their ain Geordie.
In Edinbro' too time will pass sweet,
⟨Frae⟩ far and near they'll Geordie greet,
And you shall get braw lodgings, meet
⁠To house you, Royal Geordie.
Your Court you'll haud in Holyrood,
Where aft your ancestors have stood,
All anxious for the public good,
⁠As now is Royal Geordie.

The Castle's ancient wa' you'll view,
The auld Scotch Crown and Sceptre too,
To wear them nane has right but yon,
⁠So come awa King Geordie.
And at Dalkeith with Duke Buccleugh,
Your people a' will round you bow,
Wi' hearty love, and fealty true,
⁠To you their ain kind Geordie.

In Perthshire ye'll get Athol-Brose,
And muir-fowl frae tae great Montrose;
Wi' us, my lad, ye'll be jocose,
⁠So haste you here King Geordie.
And, by my troth, there's not a belle,
Ev'n 'mangst the rare oncs of Pall Mall,
To match the Ladies at Dunkeld,
⁠Then hie you north King Georgie.

And we shall dance a Highland Reel,
'Twill please you weel my Royal Chiel,
On Scotia's heath to shake your heel,
⁠Wi' some braw lass, King Geordie.
Then haste, my cock, and come awa,
We'll welcome you wi' loud huzza!
And auld and young shall crousely craw,
⁠Long live our ain King Geordie.