Lewie Gordon/I've been courting at a lass

---

I'VE BEEN COURTING.

I've been courting at a lass,
These twenty days and mair;
Her father winna gie me her,
She has sic a gleib of gear.
But gin I had her where I would,
Amang the heather here,
I'd strive to win her kindness,
For a‘ her father's care.

For she's a bonny sonsie lass,
An armsfu', I swear;
I would marry her without a coat,
Or e‘er a plack o' gear.
For, trust me, when I saw her first,
She gae me sic a wound,
That a' the doctors i' the earth
Can never mak me sound.

For when she's absent frae my sight,
I think upon her still;
And when I sleep, or when I wake,
She does my senses fill.
May Heav'ns guard the bonny lass
That sweetens a' my life;
And shame fa' me gin e'er I seek
Anither for my wife.