Logie o' Buchan (1790)/Song 3
Tamie Lamies cure for a druuken wife.
THERE liv'd a wife in ourgate end,
she loe'd a drap of cappie O,
And all the gear that e'er she gat,
she slipt it o'er her gabbie, O,
Upon a frosty winter night.
the wife had got a drappie, O,
And she had pish'd hir coats so well,
she could not find the patie, O.
Bnt, she awa' to her goodman,
they ca'd him Tamie Lamie, O,
Gae ben and fetch the cave to me'
that I may get a dramie, O,
Tamie was an honest man,
himself he took a drappie, O,
It was not well out o'er his craig,
till she was on his tapie, O.
She aid him well baith back an side,
and fair she creish'd his backie, O,
And made his skin baith black and blue
and gar'd his shoulders crackie, O,
Then he’s awa’ to the malt barn,
and he has tae’n a pockie, O,
He put her in baith head and tail,
and cast her o’er his backie, O.
The carline spurn’d wi' head and feet,
the carle he was sae ackie, O,
To ilka wall that he came by,
he gard he head play knackie, O,
Goodman, I think you’ll murder me,
my brains you out will knockie, O,
He gied her ay the other hitce,
ly still you devil’s buckie, O.
Goodman I’m like to make my burn,
O let me out good Tamie, O,
Then he set her upon a stane,
and bade her pish her damie, O,
Then Tamie took her aff the stane,
and put hir in the pockie, O,
and when she did begin to spurn.
he lent her ay a knockie, O.
Away he went to the mill-dam,
and there gae her a duckie, O
And ilka Cheil that had a stick.
play’d thump upon her backie, O,
And when he took her hame again,
he did hang up the pockie, O,
At her bed side as I heard say,
upon a little knagie, O.
And ilka day that she rose up,
in naething but her smockie, O,
Sae soon as she look’d o’er the bed,
she might behold the pockie, O,
Now all ye men baith far and near,
that have a drunken toutie O,
Duck your wives in time o-year,
and I’ll lend you the pockie, O.
The wife did live tor ninteen year,
and was fu’ frank a couthie, O,
And ever since she got the duck,
she never had the drouthie, O,
At last the carline chanc’d to die,
and Tamie did her bury, O,
And for the public benefit,
he has gard print the curie, O.
And this he did her motto make,
here lies an honest luckie, O,
Who never left the drinking trade,
until she got a duckie, O.