Maggy Lauder/The Ewe-Bughts
THE EWE-BUGHTS.
Will ye go to the ewe-bughts Marion,
And wear in the sheep wi' me?
The sun shines sweet, my Marion,
but nae half sae sweet as thee.
The sun, &c.
O' Marion's a bonny lass,
And the blythe blink’s in her ee;
And fain wad I marry my Marion,
Gin Marion wad marry me.
There's gowd in your garters, Marion,
And silk on your white hauss bane;
Fur Fain wad I kiss my Marion,
At een when I come hame.
I've nine milk ewes, my Marion,
A cow and a brawny quey,
I'll gie them a‘ to my Marion,
Just on her bridal day.
And ye’s get a green sey apron,
And waistcoat of London brown,
And vow but ye will be vap‘ring,
Whenever ye gang to town.
I'm young and stout, my Marion;
Nane dances like me on the green,
And gin ye forsake me, Marion,
I'll e‘ea draw up wi Jean;
Sae put on your pearlins Marion,
And kyrtle of the cramasie!
And soon as my chin has nae hair on
I shall come west and see thee.