Mill, mill, o/Cauld Kail in Aberdeen
CAULD KAIL IN ABERDEEN.
There's cauld kail in Aberdeen,
And castocks in Sta’bogie,
where ilka lad man hae his lass,
But I maun hae my cogie.
But I maun hae my cogie, troth,
I canna want my cogie,
I wadna gie my three gird cog
For a‘ the wives in Bogie.
Johnny Smith has got a wife
wha scrimps him o’ his cogie;
But were she mine, upon my life,
I’d duck her in a bogie.
For I maun hae my cogie, troth,
I canna want my cogie,
I wadna gee my three gird cog
For a’ the wives in Bogie.
Twa or three todlin weans they hae,
The pride o‘ a‘ Stra‘bogie,
Whene’er the tottums cry for meat,
She curses ay his cogie;
Crying,“Wae betide the three gird cog
“Oh wae betide the cogie,
“It does mair skaith than a’ the ills
“That happen in Stra’bogie.”
She fand him ance at Willie Sharp’s;
And what they maist did laugh at,
She brake the bicker, spilt the drink,
And tightly gowff’d his (illegible text)haffet,
Crying “Wae betide the three-gird (illegible text)co
“Oh, wae betide the cogie,
“It does mair skaith than a' the ills
“That happen in Stra'bogie.
Yet here's to ilka honest soul
Wha'll drink wi me a cogie;
And for ilk silly whiogin fool,
We'll duck him in a bogie.
For I maun hae my cogie, Sirs,
I canna want my cogie:
I wadna gie my three-gird cog
For a' the queaus in Bogie.
This work was published before January 1, 1929, and is in the public domain worldwide because the author died at least 100 years ago.
Public domainPublic domainfalsefalse