Mary's Dream (1812)/Mine ain dear Somebody

by Robert Tannahill

Mine ain dear Somebody.

When Gloamin’ treads the heels o’ Day,
And birds sit courin’ on the spray,
Alang the flow’ry hedge I stray
⁠To meet mine ain dear somebody.

The scented brier, the fragrant bean,
The clover bloom, the dewy green,
A’ charm me as I rove, at e’en;
⁠To meet mine ain dear somebody.

Let warriors prize the hero’s name,
Let mad Ambition tow’r for fame,
I’m happier in my lowly hame,
⁠Obscurely bliss’d wi’ somebody.