New minstrel/He's owre the Hills that I lo'e weel

HE'S OWER THE HILLS THAT I LO'E WEEL.

CHORUS.

He's ower the hills that I lo'e weel,
He's ower the hills we darena name,
He's ower the hills ayont Dumblane,
Wha soon will get his welcome hame.

My father's gone to fight for him,
My brithers winna bide at hame,
My mither greets and prays for them
And 'deed she thinks they're no to blame.
He's ower the hills, &c

The whigs may scoff, and the whigs may jeer
But, ah! that love maun he sincere
Which still keeps true whate'er betide,
An' for his sake leaves a' beside.
He's ower the hills, &c.

His right these hills, his right these plains;
O'er Highland hearts secure he reigns.
What lad's e'er did, our laddies will do;
Were I a laddie, I'd follow him too.
He's ower the hills, &c.

Sae noble a look, sae princely an air,
Sae gallant and bold, sae young and sae fair;
Oh! did ye but see him, ye'd do as we've done;
Hear him but ance, to his standard you'd run.
He's ower the hills, &c.