Newes from the Dead/Eurydicen sileat jam fama à morte reductam
EUrydicen sileat jam fama à morte reductam,
Hippolytum taceant sæcla priora suum:
Mercurii nuper quam compulit aurea virga
Manibus, à nigro jam revocata grege est.
Arte viri domitæ Parcæ stupuêre superbæ,
Et queritur Lachesis stamine lassa novo.
Regni claustra sui vidit Proserpina rupta,
Et succum atq́ꝫ, herbas hoc potuisse gemit.
Porthmea pœnituit plenâ remeare carinâ,
Utq́ꝫ, dolos sensit, mox stupefactus, ait:
Quæ prius aufugiens in ventum vita recessit,
Tutior in medicas jam venit illa manus:
Hæ revocant animas per Tartara nigra vagantes,
Corporeisq́ꝫ, iterum nexibus arte ligant.
Quæ jacuit tenebris obducta, & lampade vitæ
Extinetâ, accensâ jam face clara micat.
Nunc cum sole licet cadere, & cum sole redire,
Et, si vult medicus, nec moriendo mori.