Nine popular songs/A' the Airts the Wind can Blaw

From Wikisource
Jump to navigation Jump to search
Nine popular songs (1840–1850)
A' the Airts the Wind can Blaw
3275651Nine popular songs — A' the Airts the Wind can Blaw1840-1850

A’ THE AIRTS THE WIND CAN BLAW.

Of a’ the airs the wind can blaw,
I dearly lo’e the west,
For there the bonny lassie lives,
The lass that I lo’e best.

Though wild-woods grow, and rivers row,
Wi’ mony a hill between,
Baith day and night my fancy’s flight
Is ever wi’ my Jean.

I see her in the dewy flower,
Sae lovely, sweet, and fair;
I hear her voice in ilka bird,
Wi’ music charm the air.
There’s not a bonny spot that springs
By fountain, shaw, or green,
Nor yet a bonny bird that sings.
But minds me o’ my Jean.

O blaw, ye westlin winds, blaw saft,
Amang the leafy trees;
Wi’ gentle breath, frae muir and dale,
Bring hame the laden bees;
And bring the lassie back to me,
That’s aye sae neat and clean!
Ae blink o’ her wad banish care,
Sae charming is my Jean.

What sighs and vows amang the knowes,
Hae past atween us twa;
How fain to meet, how wae to part,
That day she gaed awa.
The Powers aboon can only tell,
To whom the heart is seen.
That nane can be sae dear to me,
As my sweet lovely Jean!


This work was published before January 1, 1929, and is in the public domain worldwide because the author died at least 100 years ago.

Public domainPublic domainfalsefalse