Old Maids/Come Under My Plaidy
COME UNDER MY PLAIDY.
Come under my plaidy. the night's gaun to fa',
Come in frae the cauld blast the drift and the snaw
Come under my plaidy, and lie down beside me,
There's room in't, believe me, dear lassie for twa;
Come under my plaidy, and lie down beside me,
I'll hap you frae ev'ry cauld blast that will blaw,
Come under my plaidy, and lie down beside me,
There's room in't, dear lassie, believe me, for twa,
Gae awa' wi' your plaidy, auld Donald, gae awa',
I fear na' the cauld blast, the drift nor the snaw;
Gae awa' wi' your plaidy I'll no lie beside ye,
Ye might be my gutchard auld Donald gae awa';
I'm gaun to meet Johnny, he's blythe and he's bonny
He's been at Meg's bridal fu' trig and fu' braw;
O there's nane dance sae lightly, sae gracefu' sae tightly,
His cheeks are like roses, his brow's like the snaw.
Dear Marion let that flee stick fast to the wa',
Your Jock's but a gowk and has naething ava'
The hale o' his pack he has now on his back;
He's thretty, and i am but threescore and twa:
Be frank and be kindly, I'll busk ye aye finely,
At kirk or at market they'll nane gang sae braw;
A ⟨bien⟩ house to bide in, a chaise for to ride in,
And flunkies to tend ye whatever ye ca.
My father aye tell'd me, my mither an' a',
Ye'd mak a gude husband, and keep me aye braw
It's true I lo'e Johnny, he's young and he's bonny
But wae's me I ken he has naething ava:
I hae little tocher, ye've made a gude offer,
I'm now mair than twenty, my time is but sma';
Sae gie me your plaidy I'll creep in beside ye.
I thought ye'd been aulder than threescore and twa
She crapt in ayont him beside the stane wa',
Where Johnny was listening and heard her tell a'
The day was appointed, his proud heart it dunted,
And strack 'gainst his side as if bursting in twa.
He wander'd hame weary, the night it was dreary,
And thewless he ti(illegible text)t his gate 'mang the deep snaw,
The owlet was screaming While Johnny cried Women
Wed marry Auld Nick, if he'd keep them aye braw
O the devil's in the lasses they gang now sae braw
They'll lie down wi' auld men o' threescore an' twa
The hail of their marriage is gowd ea'a carriage,
Plain love is the cauldest blast now that can blaw
Auld (illegible text)tards, be wary, tak tent wha ye marry,
Young wives wi' their coaches they'll whip an' they'll ca
Till they meet wi' some Johnny that's youthfu' and bonny,
An' they'll gie you a horn on ilk haffet to claw.