south
¶ The .vii. token is whan grete wyndes passen out of the south they be foule & vnclene therfor whan these tokenes appere it is to drede grete pestilence but god of his m͏͛cy wille remeue it
¶ These thinges folowyng be the causes of pestilence
¶ The Pestilence cometh of thre thinges, sō time it cometh fro the rote bynethe, Otherwhise fro the rote aboue, so that we may fele sensibly howe the chaunge of the ayer appereth vnto vs And somtyme it cometh of bothe to gider as wele fro the rote aboue as fro the rote by nethe, As we sce a sege or preuy next to a chambre or of any other particuler thyng whiche corrupteth the ayer in his substance & qualite which is a thinge may happe euery daye And ther of cometh the ague of Pestylence; And aboute the same many phisicions be deceyued: not supposyng this axes to be a Pestilence, sōtime it cometh of dede careyn or corrupcion of standing waters ī diches or slouhes & other corrupt places & these thinges som
