7
ALLISTER M'ALLISTER.
A'lisler M'Allister, Nour chanter sets a’ astir, Then to your bags .an’ blaw wi’ bir, We’ll dance the Highland fling. Now Allister has tun’d his pipes, And thrang as bum bees frae their bykes The lads and lassess loup the dykes, And gather on the green.
Allister M'Allister, &c. The Miller Hab, was fidging fain, To dance the Highland fling his lane, He lap as high as Elspa’s wame, The like was never seen. As round about the ring he whuds, And cracks his thumbs, and shakes his duds The meal flew frae his tail in cluds, And blinded a’ their een.
Allister M'Allister, &c. Neist rackle-harded smiddy Jock, A’ blacken’d o’er wi’ coom and smoke, Wi’ shachlin’ blear ee’d Bess did yoke, That slaverin-gabbit queen. He shook bis doublet in the wund, His feet, like hammers, struck the grund The very moudiwarts were stunn’d,
