for urum synnum. soðlice we leornodon on þam godspelle cyþendre þære soðfæstnesse stefne, þæt se þeowa, se þe sceolde ·X· þusenda feos his hlaforde, þa þa he dyde dædbote ⁊ him forgifnesse bæd, he onfeng onlysnesse ⁊ freodomes þæs gafoles æt his hlaforde. ac eft forþon þe he nolde forgifan his efnþeowan þæt gafol, þe sceolde him gyldan hundteontig peninga, þa forþon wæs he gehaten ⁊ gebeden, þæt he þæt ilce gafol agulde, þæt him ær forgifen wæs. witodlice, Petrus, of þam wordum ⁊ (157 b) sægenum on þam godspelle us is cuð, þæt gif we ne forlætað ⁊ forgifaþ on ure heortan þæt wið us gegylted byþ, þæt we þonne beoþ eft genydede ⁊ abædede, þæt we sceolon agyldan þæt þe we gefægnodon, þæt þe us eallinga ær forgifen wære þurh dædbote. forþon þe þa hwile þe us alyfed sy se fyrstmearce þissere forgifenan tide, ⁊ þa hwile þe swa geþyldelice aræfneþ ure liflade ⁊ abideð se rihtwisa dema, se sceawaþ ⁊ asmeað ealle ure scylda, weopan we mid tearum þa heardnesse ure heortan ⁊ gedon we ⁊ geeowien on urum þam nehstan þa gife þære fremsumnesse. ⁊ ic þæt bealdlice sæcge, Petrus, þæt we ne beþurfon na þære halgan onsægdnesse æfter urum deaðe, gyf we sylfe beoð ær urum deaðe Gode gecweme lac ⁊ licwyrðe onsægdnes.8 sægenum] Isægenum C 16 þam] þa C 19 nach onsægdnes: Ex- þlicit liber IIII. dialogorum beati Gregorij þaþe (14. jhd., sehr verlöscht) C.
