eac Libertinus hine sylfne to þæs abbudes fotum astrehte, ⁊ he sæde, þæt hit his sylfes gylt wære swiðor, þonne hit ðæs abbudes uncysta wæron, þæt broc, þæt he þær aræfnode. ⁊ swa hit wæs gedon, þæt se fæder wearð to swa mycelre monþwærnysse gelæded,⁊ þa gewearð seo eadmodnys þæs geongran to lareowe þam abbude. ⁊ þa þa he for þæs mynstres þearfe, swa swa he ær gecweden hæfde, wæs utfarende, hine þa manige his cuðra manna geornlice acsodon, ge æþelcunde ge oðre, þa þe hine symble swiðe arodon. hi þa eac swiðe wundrodon, hwæt þæt þing wære, þæt he swa toswollen heafod ⁊ swa wanne ⁊wlitan hæfde. he cwæð to heom: 'gyrstanæfen me gelamp, þæt ic ungewealdes ætsporn æt anum fotscamele, ⁊ ic þa þus geslægen wearð.' ⁊ swa se halga wer wæs healdende in his breostum þa are þære soðfæstnysse, ⁊ he his fæder ⁊ his lareowes uncysta na ne geypte, ne he eac in nænigre leasunge synne ne georn.' Petrus cwæð: 'wenað we þe ne wenaþ, hwæðer þes arwyrða werr Libertinus, be þam þu þus fela tacna ⁊ wundra sægdest, ænigne man in þære ruman ⁊ mycclan gesomnunge
//
eac Libertinus hine sylfne on eorðan astrehte to þæs abbodes fotum ⁊ cwæð, þæt hit wære for his agenum gylte þæt broc, þæt he þolode, ⁊ na for þæs abbodes reðnysse. ⁊ swa wæs geworden, þæt se abbod wearð getogen to mycelre geþwærnysse, ⁊ wearð þæs gingran eadmodnys þam abbode to lareowe. þa þa he for þæs (6b) mynstres þearfe utferde, swa swa he ær gecweden hæfde, þa beheoldon hine fela his cuðra manna, ægðer ge æðelborene ge oðre, þe hine simle arwurðedon. ⁊ hy swyðe wundredon ⁊ geornlice axodon, hwæt þæt þinga wære, þæt he hæfde swa toswollenne ⁊ swa wanne andwlitan. he þa him to cwæð: 'gyrstanæfenne me gelamp for minum synnum, þet ic ungewealdes ætspearn æt anum fotsceamole, ⁊ ic þa wearð þus getucod.' ⁊ se halga wer on his breostum swa geheold þone wurðmynd þære soðfæstnysse, swa þæt he na ne ameldode his abbodes unþeawa, ne he eac ne bearn on leasunga synne.' Petrus cwæð: 'wenað we, hwæðer þæs arwurða wer Libertinus, be þam þu þus fela tacna ⁊ wundra rehtest, on swa rumre ⁊ micelre gesamnunge
2 fotum hine ast- C||segde O 6 þer] dar O || arefnde glossiert mit
þolede (12, jhdé.?) O 8 monþwernesse O, modþwernysse C 9 sio O |
-nes monna O 15 axo-O 1658
@ 10 iuncgran O 11 ond þa he wes for O 14 monige his. ymle O 17 aredon O || hie O |j-edon O 18 huet
gecuþra
þer dinga O 19 toswolle[j|heafod O 20 wonne ⁊wliotan O 21 him gier- stanf[]|ne me O 22 ic me ung- O|jetsþeom O 2G -sceamole O 24 ge-
slegen O 25 healdendej gebaldende O
26 breostu[]|þa O || -nesse O
27 (na) H 28 na] no O G0 synne f O G2 wer O G4 mon O G5 mic-
lan O || -nege O
