6
Johnny was a joiner gude,
Nane could wield a plain like Johnny.
Lizie Painch was Johnny's wife,
An' silly Matty was her mither;
Sic a wife as Johnny had,
I wadna gi'e a button for her.
Johnny was ance half in love,
His fancy was by beauty haunted;
Heaven shone in Johnny's e'e—
But no the heaven Johnny wanted:
For Johnny courted Lizie Painch,
'Cause Lizie Painch she had the siller,
Sic a wife as Lizie Painch,
I wadna gi'e a button for her.
Lizie's face was like the moon,
Her shonther's maist as braid as Samson's;
Her very picture's like the sign,
That hings aboon auld Robin Tamson's.
But de'il a prin does Johnny care,
Were Lizie like the witch of Endor;
Johnny fattens on her gear—
He wadna gi'e a button for her.
AULD ROBIN GRAY.
Young Jamie lo'ed me weel, and he sought me for his bride,
But saving a crown, he had naething beside;
To mak that crown a pund, my Jamie gade to sea,
And the crown and the pund were baith for me.
He had been awa a week but only twa,
When my mither she fell sick, and the cow was stown awa,
