[3]
And Madge that was buckled to Steenie,
and coſt him grey breeks to his arſe,
Wha after was hangit for ſtealing,
great mercy it happen'd na warſe;
And there will be gleed Geordy Janners,
and Kirſt wi' the lily-white leg,
Wha gade to the ſouth for manners,
and bang’d up her wame in mons-meg.
And there will be Judan Maclawrie,
and blinking daft Barbara Macleg,
Wi' flae-lugged ſharney-fac'd Lawrie,
and ſhangy-mou'd haluket Meg.
And there will be happer-ars'd Nancy.
and fairy-fac'd Flowrie by name,
With Madie, and fat-hippit Griſy,
the laſs wi' the gowden wame.
And there will be Girn-again Gibbie,
with his glaiket wife Jenny Bell,
And miſle-ſhin'd Mungo Macapie,
the lad that was ſkipper himſel.
There lads and laſſes in pearling,
will feaſt in the heart of the ha',
On ſybows, and rifarts and carlings,
that are baith fodden and raw.
And there will be fadges and brochan,
wi' ſouth of good gabbocks of ſkate,
Powſowdy and drammock, and crowdy,
and caller nowt-feet in a plate,
And there will be partans and buckies,
and whytens and ſpeldings enow,
