declared here afteꝛ, ſhe will geddeꝛ a panell wich may be hiꝛ vtteꝛmoſt confuſion, and ſhe fly theꝛwith, and take blood, and coolde theꝛ vppon.
¶Couertis oꝛ couert federis
Theꝛ bene alſo federis that cloos vppon the ſaꝛcellis, and thoſſame be calde the coueꝛtis oꝛ the coueꝛt federis, and ſo all the federis be calde that bene next oueꝛ the long beme federis, and the fagg federis vppon the wynges
¶Backe federis.
¶The federis vppon the backe halfe be called the backe federis
¶Beke Clape Nares Sere
¶The Beke of the hawke is the vppeꝛ paꝛte that is croked
¶The nedeꝛ paꝛte of hiꝛ beke is calde the clape of the hawke
¶The Hoolis in the hawkes beke bene callede the Nares.
¶The yolow be twene ye Beke ⁊ ye yeghen is calde ye Sere
¶Crynettis.
¶Theꝛ be oon an hawke long ſmale blake federis: like heris abowte the ſere ⁊ thoſſame: be calde Crinettis of ye hawke
¶Sore aage.
¶Ye ſhall vndeꝛſtonde that the fiꝛſt yere of an hawke whetheꝛ ſhe be calde Brawncheꝛ oꝛ Eyeſh, that fiꝛſt yere is calde hiꝛ ſore aage, and all that yere ſhe is calde a ſore hawke, foꝛ
